إنطباعاتي حول مقرر إعلام متعدد الوسائط وعن أستاذ المقرر

 

بهالتدوينة ابي اكتب بالعامية عشان يكون الكلام اسهل ومعبر اكثر…🙂

بإعتبار انه هالكورس اهو كورس تخرج وبنفس الوقت ماخذ خمس مواد. منهم مادة إعلام متعدد الوسائط   ومشروع تخرج وميداني وغيرهم مادتين بالقسم وفلسفة سياسية. بشكل عام الكورس كان ماشي طبيعي بعدين صار (إعصار) شغل من ماده مشروع تخرج وميداني ومادة إعلام متعدد الوسائط، ناهيكم عن باجي المواد.

كل الكلام اللي اسمعه عن هالمادة قبل لا أسجل فيها انها تختلف إن خذيتها عند دكتور عيسى النشمي أو اي دكتور ثاني من قسم الإعلام، من حيث الجهد المبذول فيها والشغل، من خلال العمل اثناء الكورس في هالمادة انا كطالب إعلام استفد وايد وبشكل كبير وبنفس الوقت تعبت بسبب ضيج الوقت اللي واجهني بسبب شغل هالمادة والميداني والمواد الثانية.

العمل مع الدكتور عيسى للأمانة ممتع ومفيد جداً للي حاب يتعلم صح ويطلع كل اللي عنده ويبي يكون شخص متميز ويصنع شي يفتخر فيه، مو مجرد طالب ياخذ مقرر وبس. وبنفس الوقت متعب اذا كان ما عندك وقت، كثرة الأعمال اللي يعطينا ايها دكتور عيسى محتاجة انه ما يكون عندك مواد صعبه معاها. ولو انه المشاريع المطلوبة اقل من جذي اتوقع الشغل المقدم بيكون احسن من الطلبة، بس بكل صراحة المادة طورت مهاراتي بشغلات وايد وفتحت ذهني عن شغلات وايد محتاجها في حياتي المستقبلية.

قرب سن دكتور عيسى منا كطلبة وتعامله الراقي معطيني دافع كبير اني اشتغل في هالمادة خلال الكورس واني اكون في نفس مكانة في يوم من الأيام.

مدونتي هذي تحت أيدكم تقدرون تقرون وتشوفون كل الشغل الي سويته خلال كورس إعلام متعدد الوسائط ، وإنشاءالله العمل على المدونة ماراح يوقف بمجرد إنتهاء الكورس وبيكون مستمر وبشكل احسن ومهارات أفضل.

ترقبوا الأعمال المتبقية من مقرر إعلام متعدد الوسائط …..

شكراً… د.عيسى

IMG_9636

About q8media07

طالب في كلية الاداب جامعة الكويت متخصص في علم الاعلام، من اهتماماتي الاطلاع والبحث في وسائل الاعلام الحديثة
This entry was posted in new media, new media, قسم الإعلام, قصة مصورة, مواقع التواصل الإجتماعي, إعلام متعدد الوسائط, النشمي, الوسائط المتعددة, الاعلام الحديث, التصوير, برامج الصوت, جامعة الكويت, جامعة الكويت, دكتور عيسى النشمى, ساوند سلايد. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s